 |
| African-Children-School1 |
Jiilasha soo koraya bulsho kasta ee dunida ku nool waxay uga jiraan kaalin wayn oo saameyn togan ku yeelan doonta siyaasadda iyo nolosha dambe ee dadyowga iyo deegaanka.
Dadyowga
maanta jira way ku kala duwanyihiin siyaasaddooda ku wajahan jiilasha soo
koroya, qolo kastaahina sida ay u ogyihiin muhiimadda jiilka yaryar, una
fahamsan yihiin ayey ugu howlgalaan, ugu dedaalaan una diyaariyaan.
Muhiimmdda
Jiilasha soo koraya iyo kaalinkooda markii uu ka hadley Xaaji Aadan Afqallooc
allaha u naxariistee waa tii uu lahaa
“Hadduu
Geed engego xaabadaa laga idlaystaaye
Mid
yar oo iniintiisa ahbaa soo awaal baxa e
Isagaa
anfaaciga hadhkiyo oodda kaafiya e
Dadkana
odaygu goortuu ka baxo iyo islaantiisu
Ubadkooda
hadhabaa tabcoo aayatiin hela e
Markii
Aadam iyo Xaawa iyo keynta la abuuray
Sidaasay
arwaaxdiyo dhirtuba ku isiraayeene
Umaddaan
shabaabkeedu hanan waa u ayaan xuma e”
Dhowrkaan
tuduc waxa aan si dhuxur leh uga dheeganeynaa kaalinta Carruuta ama
dhallinyaradu leedahay, iyo in ay yihiin kuwa loo baxsan doono marka odayada
iyo hal-waynku gaabiyo ama go'o, duniduna sidaa ayey waligeed usoo taxneyd.
Waxa
ay xambaarayaan calanka iyo qiyamka umadda, waxayna qabanayaan oo tawallinayaan
hoggaanka iyo talada umadda, iyagoo ku hagi doona hadba aqoonta iyo ogaalka
cilmi oo ay leeyihiin, laguna soo barbaariyey.
Ummadaha
baaba'ay kana lumay waddadii guushiyo rajada, ama ay ku habsadeen manaxayaal
lamida kuwii carbeed ee dabeyshii gugii carabtu qaadday, waxaa badbaado iyo
nolol isbeddel leh u abuuri kara waa jiilasha dambe oo tallaabo qaadkoodana sal
iyo aasaas u yahay sida iyo heerka diyaarin ee markoodii hore ay heleen.
Carruurta
dalkeenna hooyo ku nool, tiro aan yareyn ayaa maanta dayacan, oo aan heysan
dowlad iyo duul kale oo si naxariis iyo garasho fog ku dheehan tahay uga fekera
ayaahooda dambe, Jiilashaasi waa kuwii barrito dalkani u baxsan lahaa,
dowladnimada iyo qaska raagay ee muddada nagu habsadayna dalka ka saari lahaa,
balse taasi maanta ma muuqato oo waxa ay u eg tahay in ay wajahayaan duruufihii
adkaa ee dalku soo maray.
Haa,
sax waaye in ay jiraan carruur badan oo qalinka sita si ay wax u bartaan waalid
fiicanna helay, lkn waxaa tobon jibbaar ka badan kuwa dayacan oo ku dhex koraya
duruufta, Dayacaadda, bahalnimada iyo cuqdadda, barrina aan waji iyo wax qabsi
fiican laga sugeyn.
Gobol
Degmo iyo Tuulo dayacaadda carruurteennu waa tuban tahay, kuwa heysta
waxbarashadana intooda badani ma heystaan waxbarasho tayo ahaan, caqiiddo ahaan
iyo waddaninimo ahaan u dhisan una fayow.
Si
kastaba, maanta waxaa jira dayacaad wayn oo mustaqbalkeenna dambe ah, sida
dhismaha dowladnimadeenna loogu dedaalayo si ka weyn kana muhiimad badan in mustaqbalka
carruurteenna loo dhiso loona diyaariyo ayaa mudnaanto tahay, waxaa jira
Magaalooyin, Degmooyin iyo Tuulooyin badan oo aysan maanta ka jirin waxbarasho
macne lah ama gabi ahaanba wax waxbarasho ah oo aysan ka jiri, hal canug oo
Iskuul waxbarasho aada, iyaddoo carruurtu ku dayacan yihiin tubaha iyo
gidaarrada magaalooyinka.
Uma
baahna qarash iyo wax aan la awoodin in lagu howlgalo ee kaliya qorshe iyo tab
toosan oo cilmi iyo garsho ku dhisan ayay u baahan tahay, tusaale Qoys kasta
ama qof kastaa haddii uu hal canug oo kuwiisa ka dheeri ah kafaalo qaado
waxbarashadiisa, waa arrin aad u wanaagsan oo fursad loogu abuuri karo kumannaan
carruur ah oo dayacan oo aan heysan cid iftiinka aqoonta ku hanuunisa kuna
garabsiisa.
Waxaa
kale oo ah arrin jiilkeenna maanta loogu hiillin karo, hirgalinta iyo furitaanka
goobo waxbarasho oo carruurta si bilaash ah wax loogu baro, socodsiinteeduna
uma baahna qarash tiro badan kaliya iskaashi iyo qorshe saxan ayay u baahan
tahay.
Qofkas
ee maanta garasho iyo dadnimo leh, rajona ka qaba in uu dalkeennu wacnaado oo yeesho dad hal abuur iyo aqoon leh
waa in uu aad uga fekeraa, kana qeybqaataa qaabeynta iyo dhisidda barbaarkii
loo baxsan lahaa ee maanta agteenna ku baylahan.
Qore:
Axmed Siigaale
Siigaale000@gmail.com
إرسال تعليق